Makatipid ng Hanggang 40% sa Inyong Bill sa Tubig

Kuwalipikado ba ako?
Kuwalipikado ang mga sambahayang nakakatugon sa mga kasunod na kahingian para sa CAP program:

1. May iisa lang kayong service account para sa tubig at sewer sa SFPUC.  
2. Nakapangalan sa inyo ang inyong bill sa tubig at sewer. 
3. Full-time na residente kayo sa address kung saan matatanggap ang diskuwento.  
4. Hindi kayo idineklarang dependent sa tax return ng ibang tao.
5. Mayroon kayong isang residensyal na single-family account na nakahiwalay ang metro. Kasama sa mga halimbawa ng mga account na hindi kuwalipikado sa CAP ang mga account para sa serbisyo sa sunog, multiple na residensyal, irigasyon, komersyal, at wholesale.
6. Hindi lampas ang pinagsamang gross na kita ng sambahayan ninyo sa Mga Alituntunin ng CAP sa Kita na nasa ibaba.

Ang mga sambahayang may pinagsama-samang taunang kita bago kaltasin ang buwis na mas mababa sa o katumbas ng 50% ng Area Median Income ng San Francisco ay kuwalipikado para sa mga diskuwento sa bill ng tubig at sewer na 25%, at ang mga sambahayang may pinagsama-samang taunang kita bago kaltasin ang buwis na mas mababa sa o katumbas ng 30% ng Area Median Income ng San Francisco ay kuwalipikado para sa mga diskuwento sa bill ng tubig at sewer na 40%. Tingnan ang talahanayan sa ibaba kung kuwalipikado ang inyong sambahayan.

Hanapin ang inyong antas ng Area Median Income (AMI) | San Francisco (sf.gov)

Hanapin ang iyong Area Median Income (AMI) level | San Francisco (sf.gov)

Ano ang itinuturing na kita ng sambahayan?
Ang kita ng pamilya ay ang pinagsama-samang gross na kita ng LAHAT ng taong magkakasama sa isang sambahayan, nabubuwisan man o hindi. Kasama rito ang mga miyembro ng pamilya o mga roommate na hindi kamag-anak. Kasama sa gross na kita ang mga sumusunod, pero hindi limitado sa kabuuang kita mula sa mga ito: mga sahod, suweldo, pension, benepisyo para sa walang trabaho, kabayaran sa pagkakaroon ng kapansanan, bayad-pinsala para sa manggagawa, kita sa sariling negosyo (IRS Form 1040 Schedule C), suporta sa anak o galing sa asawa, interes o mga dividend mula sa savings accounts, stocks, bonds, retirement accounts, kita mula sa upa o royalty, cash income o mga regalo, mga scholarship, mga grant, o iba pang ayuda na ginagamit sa mga gastusin sa buhay, seguro, o nakuha mula sa kasunduang legal (mula sa mga paghahabla), Social Security, SSI, SSP, mga food stamp, o TANF (Temporary Assistance for Needy Families) o AFDC (Aid to Families with Dependent Children).

Sino ang kasama sa isang sambahayan?
Kasama sa isang sambahayan ang lahat ng tao na nakatira sa iisang tahanan (apartment, condo, bahay) na sineserbisyuhan ng iisang SFPUC account para sa tubig at wastewater.

Kailangan ko bang magsumite ng patunay ng kita?
Oo. Beberipikahin ng SFPUC ang pagiging karapat-dapat sa kita batay sa mga dokumentong isusumite mo. Para sa mga aplikanteng nakakatanggap ng pampublikong tulong mula sa Ahensya ng Serbisyong Pantao ng San Francisco (San Francisco Human Services Agency, SFHSA) sa pamamagitan ng CALWORKS, CALFRESH o MEDI-CAL, ay puwede kaming pahintulutang beripikahin ang kanilang kita sa HSA sa pamamagitan ng pag-print at pagpapadala sa pamamagitan ng koreo ng aplikasyon. Kung hindi namin maberipika ang pagiging kuwalipikado ninyo, makikipag-ugnayan kami sa inyo para sa higit pang impormasyon.

Paano beberipikahin ng SFPUC ang kita ng aming sambahayan?

Ang beripikasyon ng kita ay ibibigay sa alinman sa mga sumusunod na paraan:

1. Pagsusumite ng sumusunod:
   • 2 magkasunod na paycheck stub, o
   • 2 magkasunod na kopya ng mga tseke ng Social Security, o
   • 2 magkasunod na kopya ng mga tseke ng SSI, o
   • W-2 form, o
   • Liham ng Beripikasyon sa Benepisyo ng Social Security, o
   • Pahayag ng mga benepisyo para sa kawalan ng trabaho
     
     OR
      
2. Pagpapahintulot sa SFPUC na i-verify ang iyong kita sa San Francisco Human Services Agency (HSA): Kailangan ng naka-print na aplikasyon para sa opsyong ito. Ang mga sambahayang kasalukuyang nakakatanggap ng mga benepisyo mula sa alinman sa mga sumusunod na programang ipinatutupad ng HSA (CalWorks, CalFresh, at Medi-Cal) ay kuwalipikado para sa pagberipika ng kita gamit ang impormasyong naisumite na ninyo dati sa Lungsod. Kinakailangan ang pangalan, petsa ng kapanganakan, at huling 4 na digit ng social security number para sa lahat ng miyembro ng sambahayan. Mangyaring mag-print at ipadala sa pamamagitan ng koreo ang aplikasyon sa itaas, o humiling na ipadala sa iyo sa pamamagitan ng koreo ang isang aplikasyon.

Paano ko malalaman kung naaprubahan o hindi ako naaprubahan?
Magbibigay ang SFPUC ng liham ng desisyon sa pamamagitan ng email, o kung walang email sa file, sa pamamagitan ng United States Postal Service mail.

Ano ang gagawin ko kung hindi naaprubahan ang aplikasyon ko para sa programang ito ngunit naniniwala akong kwalipikado ako?
Papadalhan kayo ng SFPUC ng email o liham na ipinadala sa pamamagitan ng koreo para ipaalam sa inyo na hindi naaprubahan ang inyong aplikasyon at ang dahilan kung bakit. Magkakaroon din dito ng impormasyon tungkol sa proseso ng paghiling ng review.

Anong mangyayari kapag hindi naberipika ng SFHSA ang kita ko?
Kokontakin namin kayo para sa higit pang impormasyon kung hindi namin maberipika ang pagiging kuwalipikado ninyo.

Paano ako mag-sign up?
Sagutan ang isang aplilkasyon sa papel, o tawagan ang Mga Serbisyo para sa mga Mamimili sa 415-551-3000, Lunes hanggang Biyernes, 8am to 5pm (maliban kapag holiday), at humiling na padalhan kayo ng aplikasyon sa papel sa pamamagitan ng koreo. Puwede rin kayong mag-apply nang personal sa 525 Golden Gate Avenue, San Francisco, 1st Floor, Counter ng Mga Serbisyo para sa mga Mamimili.

Ilan ang matitipid ko?
Ang mga sambahayang may pinagsama-samang taunang kita bago kaltasin ang buwis na mas mababa sa o katumbas ng 50% ng Area Median Income ng San Francisco ay kuwalipikado para sa mga diskuwento sa bill ng tubig at sewer na 25%, at ang mga sambahayang may pinagsama-samang taunang kita bago kaltasin ang buwis na mas mababa sa o katumbas ng 30% ng Area Median Income ng San Francisco ay kuwalipikado para sa mga diskuwento sa bill ng tubig at sewer na 40%.

Gaano katagal bago magkabisa ang mga diskuwento ko?
Ipoproseso ang mga aplikasyon pagkatapos matanggap ang mga ito. Mangyaring maglaan ng 3-4 na linggo para maproseso ang inyong aplikasyon. Ilalapat ang mga diskuwento magmula sa unang buong ikot ng billing pagkatapos maaprubahan ang aplikasyon.

Anong mangyayari kapag nagbago ang kita ko at hindi na ako kwalipikado?
Sa pag-enroll sa programang ito, tungkulin ninyong abisuhan ang SFPUC kapag naging hindi na kuwalipikado ang sambahayan ninyo para sa programa. Pakikontak ang isang Kinatawan ng Mga Serbisyo para sa mga Mamimili sa 415-551-3000, Lunes hanggang Biyernes, 8am hanggang 5pm (maliban kung holiday), o mag-email sa customerservice@sfwater.org.

Ano ang mangyayari kapag nagbago ang kita ko at sa ibang diskuwento na ako kuwalipikado?
Mangyaring magsumite ng bagong aplikasyon para maiproseso. Bibigyan ng ibang diskuwento ang mga aplikante kung kuwalipikado.

Isa akong nangungupahan. Kailangan ko ba ang pahintulot ng landlord ko upang lumahok sa programa sa diskwento ng CAP?
Kung kayo ang may hawak ng SFPUC account, makaka-enroll kayo deretso sa programang ito at mailalapat ang diskuwento sa inyong account anuman ang status ninyo bilang nangungupahan. Kung nangungupahan kayo at ang inyong landlord ang may hawak ng account at kayo ang nagbabayad ng mga utility sa pamamagitan ng renta o iba pang pagpapasa (passthrough), sa kasamaang palad ay hindi mailalapat ang diskuwento para sa inyong sambahayan gamit ang bill ng inyong landlord.

Kakailanganin ko bang mag-enroll muli sa CAP?
Oo, kapag na-enroll na kayo, kailangan ninyong i-renew ang inyong aplikasyon kada 3 taon. Padadalhan kayo ng paalala kasama ang mga instruksyon kung paano mag-apply ulit. Kapag hindi kayo nag-renew, awtomatikong hihinto ang diskuwento tatlong taon (36 buwan) pagkasimula nito. Kailangan din ninyong mag-enroll ulit kapag isinara ninyo ang inyong account, lumipat kayo ng lugar, at pagkatapos ay nagbukas kayo ng bagong account.

Kailan magtatapos ang diskuwento?
Patuloy na mailalapat ang diskuwento sa inyong buwanang bill hanggang mangyari ang isa sa mga sumusunod:

• Kapag sinabi ninyo sa PUC na hindi na kuwalipikakdo ang inyong sambahayan;
• Napili na ma-review ang inyong sambahayan sa pamamagitan ng taunang pagsusuri, at natukoy na hindi na kayo kuwalipikado, o;
• Hindi kayo nakapag-enroll ulit pagkalipas ng 3 taon. Awtomatikong titigil ang diskuwento pagkatapos ng 36 na buwan kapag hindi kayo muling nag-enroll.

Mayroon pa bang ibang mga programa sa pagtitipid o tulong na inaalok ng SFPUC?
Mayroon. Makukuha ang karagdagang impormasyon tungkol sa diskuwento sa tubig, kuryente, at sewer sa www.sfpuc.gov/billreliefAlamin ang tungkol sa mga libreng device para makatipid ng tubig, mga rebate at mapagkukunan sa www.sfpuc.gov/savewater.  

Ligtas ba ang impormasyon ko?
Oo. Mahalaga sa amin ang pagiging pribado ng inyong impormasyon. Pananatilihin ng SFPUC na kumpidensiyal ang inyong impormasyon at gagamitin lamang ito para matukoy ang pagiging kuwalipikado ninyo sa programa.  

Anong mga uri ng account ang hindi kwalipikado para sa diskuwento sa CAP?
Hindi kuwalipikado para sa mga diskuwento sa CAP ang anumang residensyal na single-family account na hindi nakahiwalay ang metro. Kasama sa mga halimbawa ng mga account na hindi kuwalipikado sa CAP ang mga account para sa serbisyo sa sunog, multiple na residensyal, irigasyon, komersyal, at wholesale.

Mangyaring piliin ang application sa iyong gustong wika.

• Aplikasyon ng Arabe
• Aplikasyon ng Chinese
• Application ng Ingles
• Aplikasyon sa Filipino
• Aplikasyon ng Ruso
• Samoan Application
• Espanyol Application
• Aplikasyon ng Vietnamese