Mga Madalas Itanong Tungkol sa mga Iminumungkahing Bayad sa Tubig at Alkantarilya

Espanyol | 中文 | Pilipino | Tiếng Việt | عربي | Pусский | Samoano

Bakit ninyo kailangang itaas ang mga singil sa tubig at alkantarilya?

Mahalaga sa pampublikong kalusugan ang tubig at mga sistema ng alkantarilya. Kailangan ng lahat ang malinis na tubig. Kailangan ng lahat ang gumaganang sistema ng tubo. Kritikal na mapanatili at mai-upgrade ang mga nalulumang sistemang ito kung saan tayo ay umaasa sa araw-araw.  

Maraming bahagi ng sistema ng tubig ng San Francisco ay humigit-kumulang 100 taong gulang. Ang mga pinakalumang bahagi ng sistema ng alkantarilya ay mula pa noong Gold Rush. Pinapalitan namin ang mga nalulumang tubo para sa tubig at alkantarilya upang maiwasan ang pagkasira, matiyak ang maaasahang serbisyo at mapabuti ang kaligtasan sa lindol.

Bukod dito, ang mga bagong panregulatoryong kinakailangan para sa kalidad ng tubig at proteksyon ng kapaligiran ay nangangahulugan na kailangan ang mga pag-upgrade sa ating mga sistema. Ang iba pang mga bagay na nagpapataas ng mga singil ay: bumababang pederal na pamumuhunan, pagbabayad sa umiiral na pagkakautang mula sa mga nakumpletong pag-upgrade, at mataas na gastos sa konstruksyon sa kapaligirang malaki ang populasyon tulad ng San Francisco.  

Alinsunod sa batas, ang aming mga singil ay nakabatay sa mga aktwal na gastos sa pagbibigay ng serbisyo sa tubig at alkantarilya sa aming mga customer, wala nang iba. Itinataas namin ang mga singil kapag kailangan para saklawiin ang mga gastos sa pagpapatakbo, pagpapanatili at pag-upgrade sa mga sistema ng tubig at alkantarilya ng San Francisco upang patuloy kaming makapagpagbigay ng malinis at maaasahang pinagkukunan ng iniinom na tubig sa ating mga customer at maprotektahan ang pampublikong kalusugan at kapaligiran.

Paano ninyo pinagpapasyahan ang halagang ipapataw sa mga tagabayad ng singil?

Kailangan ng SFPUC na magsagawa ng mga independiyenteng pag-aaral sa singil nang hindi bababa sa kada limang taon upang matiyak na ang mga singil na ipinapataw sa mga customer ay sumasalamin sa aktwal na gastos sa pagkakaloob ng aming mga serbisyo. Natagpuan sa pinakahuling pag-aaral sa singil na makatwiran ang mga iminumungkahing pagtataas ng singil na ito.

Kahit sa mga kinakailangang pagtataas ng singil na ito, malaki ang kalahagahan ng aming mga serbisyo. Ang isang galon ng aming primera klaseng tubig ay magkakahalaga lamang ng 2 sentimo, habang ang isang galon ng nakabotelyang tubig ay karaniwang nagkakahalaga ng $1.44. Mapagkumpitensya rin ang mga iminumungkahing bagong singil. Kahit sa pagtaas na ito, ang karaniwang bayarin ng customer sa tubig at alkantarilya sa San Francisco ay magiging mas mababa pa rin kaysa sa Los Angeles, Santa Clara, San Diego at Santa Cruz, at kaunti lamang ang ikinahihigit sa Oakland.

Nauunawaan namin na isang hamon para sa maraming taga-Francisco na matustusan ang mga pangangailangan. Kung kaya nag-aalok kami ng maraming paraan para mapababa ng mga tao ang kanilang bayarin sa pamamagitan ng mga water-wise checkup at rebate. Ang mga customer na mababa ang kita ay maaaring maging kwalipikado para sa aming Programang Tulong ng Customer, na nagbibigay ng 25% hanggang 40% diskwento sa mga bayarin sa tubig at alkantarilya o 30% ng iyong bayarin sa Hetch Hetchy Power. Alamin pa sa sfpuc.gov/savings.

Ano ang mangyayari kung hindi itataas ang mga singil?

Kami ay pinopondohan ng mga tagabayad ng singil, hindi ng mga buwis. Natitipid namin ang mga dolya ng tagabayad ng singil sa pamamagitan ng paghiram ng pera para sa mga proyekto ng konstruksyon sa hinaharap sa pamamagitan ng mga loan na may mababang interes. Bababa ang credit rating kung hindi maitataas ang mga singil at gagawin itong mas mahal bayaran para sa kinakailangang pagpapanatili at pag-upgrade sa hinaharap. Maikakansela ang ilang proyekto sa hinaharap, na magreresulta pagiging hindi gaanong matatag at maaasahan ng aming mga sistema. Maaari ring magresulta ito sa pagkawala ng mga trabaho ng konstruksyon para sa mga taga-San Francisco. Ang napakahalaga, manganganib ang SFPUC sa hindi pagtugon sa mga bagong panregulatoryong kinakailangan upang mapahintulutan kaming patuloy na patakbuhin ang aming sistema ng maruming tubig. 

Ano ang ginagawa ninyo para matulungan ang mga taong hindi kayang bayaran ang mga pagtataas ng singil?

Kinikilala namin na ang pagiging abot-kaya ay isyu para sa ating mga komunidad. Kung kaya noong Enero, binawasan namin ang mga singil sa kuryente nang hindi bababa sa 20% para sa lahat ng customer ng CleanPowerSF. Para sa mga customer ng SFPUC sa tubig at maruming tubig, pati na rin sa customer ng CleanPowerSF, makakakita lamang ang karaniwang sambahayan ng 3% pagtaas sa kanilang mga buwanang gastos sa utilidad ng SFPUC sa susunod na taon.

Para sa aming mga customer na mababa ang kita, nag-aalok kami ng Programang Tulong sa Customer na nagbibigay ng 25% hanggang 40% diskwento sa mga bayarin sa tubig at alkantarilya para sa mga kwalipikadong customer. Kumuha ng higit pang impormasyon at mag-apply sa sfpuc.gov/savings.

Bukod dito, nag-aalok kami ng mga libreng mapagkukunan para makatipid ng tubig at pera. Kabilang sa mga ito ang maraming rebate, gawad, at iba pang mga serbisyo. Makukuha ito ng mga residente, negosyo, at organisasyon. Halimbawa, tutulungan ka namin sa mga libreng naka-personalize na water-wise checkup and rebate sa mga mahusay na gumaganang banyo, washing machines, at iba pang mga kagamitan. Maaari ring mag-sign up ang mga customer para sa online na portal para sa pagbabayad ng bayarin na tinatawag na MyAccount, na nagpapakita ng paggamit ng tubig. Matatagpuan ang mga karagdagang mapagkukunan sa sfpuc.gov/savings.

Kung hindi ka nakakabayad sa bayarin sa tubig/alkantarilya, maaari kang humiling ng flexible na plano ng pagbabayad online sa sfpuc.gov/PaymentPlan o sa pamamagitan ng pag-email sa PaymentPlan@sfwater.orgMaaari mo ring tawagan ang Customer Service sa 415-551-3000 para sa tulong. 

Ginagawa lamang nitong hindi abot-kaya ang San Francisco!

Walang sinuman ang may gusto ng mga pagtataas ng singil, ngunit ang alternatibo sa hindi paggawa ng mga kinakailangang pag-upgrade na ito ay mas higit pang mahal para sa aming mga tagabayad ng singil sa pangmatagalan.

Mahalaga sa pampublikong kalusugan ang tubig at mga sistema ng alkantarilya. Kailangan ng lahat ang malinis na tubig. Kailangan ng lahat ang gumaganang sistema ng tubo. Kritikal na mapanatili at mai-upgrade ang mga nalulumang sistemang ito kung saan tayong lahat ay umaasa sa araw-araw. 

Ang pagkilos ngayon upang mapabuti ang mga sistemang ito ay makakatipid ng pera nang pangmatagalan. Mas magiging magastos kung maghihintay nang mas matagal para gawin ang mga kinakailangang pag-upgrade.
Hindi nag-iisa rito ang San Francisco. Ang mga utilidad sa buong bansa ay nahaharap sa parehong pangangailangan upang kumpunihin at palitan ang mga nalulumang sistema, kung saan marami sa mga ito ay ipinatayo ilang dekada ang nakakaraan gamit ang mga pederal na dolyar. Umabot sa rurok ang pederal na suporta sa mga dekada 1970 at 80. Ngayon, kaunti ang pederal na tulong. Ang mga utilidad ay nalalagay sa sitwasyong halos sila mismo ang gumagawa ng mga kinakailangang pamumuhunan. Nangunguna ang San Francisco sa larangang ito at direktang tinatalakay ang problema bago pa ito maging mas mahal pa.

Manatiling Konektado

Alamin pa ang tungkol sa aming mga singil sa tubig at alkantarilya sa sfpuc.gov/2026-Mga Rate, kabilang ang diskwento, rebate, at mga programang insentibo para sa mga customer. Para sa mga katanungan tungkol sa mga singil sa tubig at alkantarilya, mag-email sa amin sa ratesinfo@sfwater.org O tumawag sa 415-554-3289.